有性趣：按足三里穴　改善早洩困擾

身體上有唔少穴位，若加以按摩，可達到增強體質嘅效果，而對於男人增強床上表現，按摩嘅穴位包括太溪穴、腎俞穴同氣海穴之外，仲有足三里穴。據古代醫書《素問‧針解》指出：「所謂三里者，下膝三寸也。」即係位於膝頭下約3吋位置，為「足陽明胃經」嘅主要穴位之一，亦係一個強壯身心嘅大穴，中醫認為適當按摩足三里穴可以達到增強免疫力、補中益氣、通經活絡、扶正祛邪等功效，更有助改善男性勃起不堅、早洩、遺精、遺尿、腰痛等問題。