昔日東方有性趣：「飛燕喜春散」同趙飛燕冇關！
中國古代嘅春藥中有一道「飛燕喜春散」，當中嘅「飛燕」係指邊個呢？原來係指西漢漢成帝劉驁嘅第二任王后趙飛燕。傳說中佢係身輕如燕嘅美女，故此獲漢成帝寵幸20年，因此民間流傳佢為得到皇上寵幸而使用多種春藥。不過「飛燕喜春散」卻同佢一啲關係都冇，係後世借用佢嘅名人效應所創。
男女同歡
據明代洪基所著嘅《攝生總要》稱，「飛燕喜春散」嘅材料分別有丁香、香附子、石灰末、胡麻、烏魚骨、鹿茸及金毛狗脊各五錢，蛇床子、紫稍花及菟絲子各一錢，麝香三分，做法係將所有材料碾成細末，然後混合煉蜜搓成丸狀。行房前用水融化後搽喺兵器上，再進行交歡，據稱可以達到「兩情感動，女心歡洽，雙喜不勝，二美相並也」嘅功效。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
