昔日東方今夜一丁：平田梨奈 AKB舊將混血辣妹
日本藝能界大型團體AKB48除咗帶來精彩且充滿青春活力嘅歌舞表演，亦帶來好多寫真索女，因為當中唔少成員畢業之後，都會投身寫真界搵食，火辣混血妹平田梨奈就係其中一位喇！
豐乳肥臀
喺日本寫真界有唔少混血索女，好似小林惠美擁有俄國血統，而被稱為「黑船來襲」嘅Angela芽衣就擁有菲律賓血統，兩位都身材與美貌兼備，不過前者已經引退，後者則無心拍寫真，咁仲有冇混血女優可以欣賞呢？梗係有啦！佢就係美日混血兒平田梨奈喇！
今年22歲嘅佢，父親係美國人，母親係日本人，雖然個樣唔係十分標致，但身材方面就真係正到拍得住班洋妞，擁有豐乳肥臀，胸前一對F奶質感天然，而個躉又大又圓又飽滿，一次過滿足晒胸奴族同愛股族！美中不足係條腰粗咗少少，希望佢可以做多啲修腰運動，令身材更Fit啦！
挑戰SM演出
喺2011年亦即係佢11歲時，成功投考AKB48嘅研究生，翌年成為正式成員，直至2016年畢業，之後佢主力演出舞台劇，近年將發展重點移到寫真界，憑住火辣身材，加上ABK48前成員嘅身份，好快就吸引到寫真迷嘅注意同支持，演出亦愈來愈吸睛。
喺最新推出嘅寫真DVD《天真瀾漫》中，佢首次挑戰SM演出，畀人綁起雙手兼蒙住雙眼，亦有好多半裸而未有露點嘅大膽場面，刺激觀眾嘅視覺神經！梨奈積極去滿足大家雙眼嘅同時，亦表示今年嘅願望係令自己嘅網絡平台更具人氣，希望佢可以如願以償啦！
社交網站
平田梨奈近期相當積極發展寫真事業，從佢嘅社交網中大家就可以見到佢參與好多寫真拍攝工作，亦可以欣賞到唔少性感寫真，千祈唔好錯過喇！
Profile
年齡：22歲
身高：5呎3吋
三圍：35F-25-37
撰文：賢
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
