有性趣：旱苗喜雨露　令女伴欲仙欲死？

據稱佢嘅名字係嚟自《孟子‧梁惠王上》中嘅「七八月之間旱，則苗槁矣。天油然作雲，沛然下雨，則苗浡然興之矣。」亦係成語「旱苗得雨」嘅由來。呢道令女性動情嘅藥方，最早收錄喺明代洪基嘅《攝生總要》中，稱製作嘅材料分別有杏仁、丁香、草麻子及白礬非子，並準備蟾酥。

製作方法係先準備杏仁、丁香、草麻子及白礬非子各5錢，然後將所有材料碾碎成末，再用蟾酥及煉蜜製成藥膏。使用方法係先將膏藥搽喺兵器上，然後進行活塞運動。據書中稱使用後：「女人如旱苗得雨，兩情歡洽矣。」簡單嚟講，即係能令女伴興奮無比，高潮迭起。

不過呢道藥方大家千祈咪亂試，事關當中嘅「蟾酥」，其實係用蟾蜍耳後腺及皮膚腺分泌嘅白色漿液，收集並晾乾而成。據明代倪朱謨著嘅《本草匯言》中稱：「蟾酥，療疳積，消臌脹，解療毒之藥也。能化解一切瘀鬱壅滯諸疾，如積毒、積塊、積膿，內療癰腫之證，有攻毒之功也。」故此具一定毒性。