有性趣：牛油果以形補形？

中國飲食文化素有「以形補形」概念，原來墨西哥古代阿茲特克人亦如此，將牛油果視為男士壯陽嘅補品，皆因佢外形似蛋蛋。牛油果學名叫「Persea Americana」，又叫鱷梨、酪梨、油梨等，而佢嘅英文名「Avocado」，係源自阿茲特克人所用嘅納瓦特爾語「ahuacatl」，意思係睪丸咁解。阿茲特克人認為呢種早喺八千至一萬年前喺秘魯種植嘅植物，其果實嘅外形似睪丸，因而得名，甚至稱牛油果樹做「睪丸樹」。