有性趣：黃芪補氣 床戰更有力

黃芪係豆科多年生草本植物蒙古黃耆嘅根，主要產於內蒙古、山西、甘肅、黑龍江等地，有多個別名，包括棉芪、綿芪、綿黃芪、棉黃芪、黃蓍等等。

黃芪味甘，性微溫，歸脾、肺經，有補氣升陽、益氣補中、利水消腫等作用。據中醫典籍《珍珠囊》嘅記載：「黃耆甘溫純陽，其用有五：補諸虛不足，一也；益元氣，二也；壯脾胃，三也；去肌熱，四也；排膿止痛，活血生血，內托陰疽，為瘡家聖藥，五也。」

黃芪同人參都係常用嘅補氣良藥，但黃芪以補虛為主，可用嚟應付體衰日久、言語低弱、脈細無力嘅患者，而且補而不膩，可以幫助男人補番條氣，喺床上作激烈運動時更加有氣有力！

女士踏入更年期，容易出現氣血不足嘅情況，有大學研究員參考古方劑量及煎服方法，利用兩錢當歸同一両黃芪煎成「當歸補血湯」，發現其益氣活血功效最高，有助紓緩更年期體虛同骨質疏鬆症狀。