昔日東方有性趣：敦踵法補腎氣
經常聽見人話，多做運動身體好，但原來有啲運動可以強壯腎氣，令男士嘅床上表現虎虎生威。好似今日介紹嘅「敦踵法」，就係一門流傳已久嘅養生運動！
由來已久
早喺西漢初期嘅《引書》，已經可以搵到「敦踵以利胸中」同「敦踵，一敦左，一敦右，三百而已」嘅記載。所謂「敦」呢個動作，就係先趷高腳再輕微用力「鋤」番落地，據講咁做可以刺激腎經系統，達到消除百病嘅功效。
3大功效
1.補助腎氣
腳板同腎經有密切關係，而敦踵法就可以刺激到腳板嘅腎經穴位，例如湧泉穴，所以敦踵法有助促進腎氣暢通，係一種扶陽補腎嘅運動。
2.預防中風
敦踵法係一種可以刺激腦部氣血運行嘅方法，更加可以引浮陽下行，從膀胱經、腎經而下歸於腳底，有助預防腦中風。
3.治小便不暢
敦踵法有健運膀胱嘅作用，令原本小便不暢嘅情況得到改善。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
