有性趣：印度人參　改善精子真定假？

睡茄嘅拉丁學名為「Withania Somnifera」，又稱「印度人參」、「南非醉茄」、「心葉青牛膽」等，主要生長於印度西部古吉拉特邦、旁遮普邦同喜馬拉雅山。據稱，早喺6,000年前已有使用睡茄嘅記載，呢種茄科植物亦被印度草醫養生學「阿育吠陀」所採用。

睡茄含有醉茄內酯類、膽碱、谷甾醇、類黃酮等成分。據一項喺2013年發表嘅研究報告指，研究團隊對46位精蟲稀少症患者進行為期3個月嘅雙望對照研究，初步結果發現睡茄能改善精子數量、活動力同精液量，並提升血清睪固酮同黃體生成素嘅濃度。

據2015年10月發表嘅一項研究顯示，研究團隊為50位患有性功能障礙嘅女性進行為期8星期嘅雙盲對照研究，畀佢哋就性高潮、滿意度、蜜洞潤濕度、性興奮度同成功性接觸次數進行評分。初步結果表明，測試者嘅性愛反應及體驗都有唔同程度嘅提升，只係更確切嘅數字仍有待進一步嘅研究。