有性趣：九淺一深由來

原文中嘅淺其實係指距洞口吋半位置，而深則係指到達「昆石」為止。「昆石」又叫「昆岡」，即蜜洞同直腸子宮陷凹嘅連接處。喺來回衝擊嘅同時，男士要用口吸女伴呼出來嘅氣，如此反覆以九淺一深嘅方法交合，從而達至陰陽調和嘅功效。

雖然《素女經》相當著名，但原來佢係嚟自日本？據稱早喺公元2至3世紀所著嘅《列仙傳》中，便已提及以性養生方法嘅《素書》。唐初編修嘅《隋書．經籍志》亦收錄《素女秘道經》一卷，並也提及《玄女經》及《素女方》，可惜後嚟散失，反而喺公元982年，日本人丹波康賴所編嘅《醫心方》中卻保留《素女經》嘅原文，內容不但總合上述兩書，仲收錄《玉房秘訣》、《玉房指要》、《洞玄子》等性學典籍嘅內容，及至1902年學者葉德輝將《素女經》帶回中國。