有性趣：明代治陽痿十精丸

古代中國男人係點樣治療陽痿呢？喺明代就相當流行服用「十精丸」，不過佢嘅做法有好多，而且各有不同，如岳甫嘉所著嘅《醫學正印》指出，「十精丸」嘅材料分別有鹿茸45克，肉蓯蓉、鐘乳粉、續斷、桑螵蛸及熟地黃各30克，仲有蛇床子、遠志及薯蕷各22.5克。做法係先將鹿茸去毛，炙至微黃；肉蓯蓉則用酒浸一晚後，刮去皺皮並炙乾；將所有材料搗碎並撈勻成粉末，每次服6克，用溫酒開服，據稱具有補腎壯陽固澀嘅作用。