有性趣：男人之寶　墨旱蓮

有啲植物，識貨就當佢係寶，唔識貨就當佢係草，好似墨旱蓮咁，就可以話係男人之寶喇！佢別名叫旱蓮草、蓮子草、墨鬥草、野向日葵，為菊科植物，生長於水溝邊同田野濕地上。味甘、酸，性微寒，歸肝、腎經，有補肝腎嘅功效。中醫藥典籍《本草綱目》記載墨旱蓮「烏鬚髮，益腎陰。」《分類草藥性》亦指墨旱蓮益腎陰又補腎，你話男人係咪要當佢係寶先？

主要用途

1. 對於因為肝腎陰虛出現嘅遺精耳鳴、頭暈目眩、鬚髮早白，腰膝痠軟，服用墨旱蓮可以幫助補肝腎，而與女貞子同用更可以增加效果。

2. 對於由陰虛血熱而引起嘅尿血、崩漏、便血，可以墨旱蓮和生地黃、阿膠、蒲黃等滋陰涼血止血藥配搭，以增強療效。

止血一流

墨旱逢含維他命A、鱧腸素、皂甙、鞣質及多種噻吩化合物，研成粉末用於外敷具有止血作用。

第一手消息請下載on.cc東網 iPhone/ iPad/ Android/