有性趣:催情偏方 美女一笑散
「美女一笑散」唔係亂吹出嚟,明代醫家洪基嘅著作《攝生總要》就有記載,其成分包括青木香、龍骨、山茱萸、蛇床子、遠志、官桂、石榴皮等,原文稱:「將各等分上為細末,每次少許,男津調入女戶,行九淺一深之法,女情歡美,四肢困懈,情不能已矣。」簡單嚟講,就係將上述材料碾成粉末,混合男性口水,搽喺女性私處,再加上九淺一深嘅交合法,就能爽到女伴典床典席。
蛇床子能治陽痿
雖然書中並無寫清楚各種材料嘅比例,但當中唔少藥材都熟口熟面,好似龍骨、山茱萸、遠志等,只係蛇床子就比較少見。據醫書記載,呢種藥材歸腎經,可用於因腎陽衰微及下焦虛寒所導致嘅陽痿,亦適用於女性因宮寒而不孕嘅情況,通常跟熟地、菟絲子、五味子、肉桂等藥材同用,具有溫腎益精嘅功效。
青木香咪亂咁用
至於另一種材料青木香,即係馬兜鈴嘅根部。據明代張介賓撰寫嘅《景岳全書》記載,呢種藥材味苦微辛,性寒,具有治療頭風、瘙癢、禿瘡等作用,亦能治熱腫及蛇毒,但並無提及對男性雄風有用,而且有毒,不可多服!再講,每個人嘅體質都唔同,所以呢道偏方嘅效用存疑,大家睇完,當長吓知識就算,千祈咪亂試!
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500