趙仁英小麥系女神

俗語話「一白遮三醜」，所以唔少女士都追求膚色白皙，但若然本身已經夠晒索，膚色係咪夠白又有咩關係呢？以韓國人氣模特兒趙仁英為例，由於個樣夠索，身材又夠火辣，就算皮膚呈小麥色，依然魅力沒法擋。

喺首爾出生嘅趙仁英，早喺2013年之前已經係一位人氣賽車女郎，當年參加第二屆韓國賽車女郎大賽更勇奪最佳業餘模特兒殊榮。自此之後，阿妹嘅人氣開始飆升，亦令佢下定決心要成為專業模特兒。2014年，佢再次參加同一個比賽，結果獲得優秀賽車女郎季軍，因而激發起更強大嘅鬥心，最終喺2015年贏得年度最佳賽車女郎冠軍！近年，阿妹做埋KOL，經常喺網上分享福利相，加上個樣愈嚟愈索，難怪粉絲亦愈嚟愈多！