澳吧吧：迷你至夠「迷你」！

酒吧大場先夠氣派，但唔代表一定好玩，場細人多逼逼哋反而仲有氣氛！假如鍾意有啲人氣嘅酒吧場，不如去氹仔嘅Mini Bar & Lounge！澳門夜遊討論區對佢評價係「吧細酒量大」，吧場設計呈長方形，入門口開始，吧頭酒櫃一直排到去酒吧盡頭，粗略估計，四層酒櫃放置過千支來自世界各地不同烈酒、葡萄酒等，勁！難怪成為酒友晚晚打躉地方。Mini Bar不定期更會搞Band Show，現場癮起嘅Band友更可以上台玩番兩手。負責人就表示，酒吧雖然好迷你，但目的為營造一個熱鬧氣氛，希望入場嘅酒客都可以識到新朋友。咁嘅格局，唔知又迷唔迷倒你呢？