播種特攻：囡囡係阿嫂黐親好大煲

話說最危險嘅就係遇上當地黑幫大哥嘅情人，佢哋之間唔係正式夫妻，只係大哥包起咗嘅囡囡，但囡囡又冇話正式跟佢，所以大哥一唔喺度，囡囡就會出嚟偷跳，呢啲「阿嫂」質素一定唔會差，加上養尊處優一段日子，氣質都高好幾班，老友唔為意就好易中招，同呢啲阿嫂出街，最好照佢指定嘅地方去玩，如果唔係去啲人流多嘅地方，就好易被大哥嘅小弟發現，咁你就麻煩啦！有老友試過無啦啦喺夜總會房間畀人拖出後巷打一身，唔知仲以為得罪咗間夜場，後嚟至知係溝錯阿嫂。

除咗黑道大哥嘅阿嫂要小心之外，另一類就係當地有勢力人士嘅情婦，情況同之前一樣，佢哋包養咗個囡囡，但因為工作繁忙，唔係成日見到面，囡囡有需要時就會出嚟客串，搵個靚仔陪吓自己，夜晚再溫存一下，但話明係有勢力人士，所以就算囡囡去到隔籬鎮玩，都會畀佢嘅線眼發現，呢個時候做佢男朋友嘅就唔只畀人打一身咁簡單，隨時可能被有關方面扣押，嚇你一餐，仲要罰埋你錢至肯放你走，好彩嘅一晚搞掂，唔好彩嘅關你兩三日都有，所以大家北上千祈咪亂揀「阿嫂」呀！

地點：虎門

特攻語錄：阿嫂咪亂嚟，小心一身蟻，打吓算輕鬆，坐牢真閉翳。

撰文：賢