絲絲講場：沈大師退休股評會照舊

人稱「沈大師」嘅沈振盈，尋日卸任訊匯證券行政總裁（CEO）一職，結果引嚟大批傳媒爭相Phone in訪問，連大師都大叫尋日下晝「忙到七彩」！不過，大師多次強調，雖然佢唔做證券行第一把交椅，但會繼續做股評人同KOL，而有呢個取捨係因為知道自己年紀大，加上早年身體抱恙，所以不宜太搏，亦可減輕日間工作壓力。

佢又話，做網台都分「日更、夜更」，唔係一定集中喺朝早，自己就早喺1996年開始「上電視」，之後經常喺街上被野生捕獲，甚至影相留念，所以對股評人身份相當有滿足感。

勉勵業界新人要多諗橋

講到本港證券業生存空間，佢認為1997年係全盛時期，依家已經逐漸變為夕陽行業，尤其本地中小型券商容易畀社會淘汰，都相當可惜同感觸。他建議新一代想接棒做券商行業嘅後生仔，唔好因循以往做法，要多啲「諗橋」，迎接下一個輝煌時期。

余絲韻

「東網Money18」fb專頁：有討論、有分析，齊來FUN享，贏盡●你Like

Money18更多即時港股指數資訊