絲絲講場：WeChat Pay方便學生北上 家長可向仔女發消費金

學生毋須綁定香港信用卡或銀行帳戶，即可喺內地透過WeChat Pay HK以港幣消費，咁就唔使怕細路返到內地唔夠錢使又或者用唔到電子支付服務啦！

話時話，學生仲可使用內地大受歡迎嘅網上平台，將消費金用喺掃碼點餐、團購優惠等。睇介紹，WeChat Pay HK「跨境遊」頁面聚合超過100個內地必備小程序，學生可使用多個內地人氣平台，例如人氣飲品店「喜茶」、「奈雪的茶」，「瑞幸咖啡」小程序預先落單到店自取；「滴滴出行」預約內地的士及私家車，亦可喺「攜程」預訂內地酒店、機票、高鐵火車票；更可提前下載「美團」、「大眾點評」等應用程式，交易時選擇使用消費金。

不過，起行前記得先完成WeChat Pay HK帳戶嘅身份認證，審核都要一至3個工作天喎！