絲絲講場：澳航破百年傳統 首位女CEO登場

澳航周二宣布，喬伊斯喺今年11月退休後，其CEO和董事總經理嘅職務，將由Vanessa Hudson接替。據主席Richard Goyder介紹，呢位女將喺集團工作近30年之久，曾涉獵多個集團行政職務，包括澳航在美洲和新西蘭嘅首席客務官和高級副主席，對集團實有深刻理解。

未來半年，喬伊斯需確保與Vanessa Hudson交接工作順利進行，後者將繼續擔任目前嘅職務，同時以候任CEO身份加入董事會，直至今年股東大會後正式接下火棒。外界普遍認為，依據澳航近年經歷嘅動盪，包括世紀大疫情期間經歷連蝕3年嘅紀錄、一系列與消費者之間具爭議性嘅服務安排，仲未計同工會嘅積怨等，集團管理以至品牌口碑上或多或少都有受損，所以Vanessa Hudson上任後，料會視恢復集團聲譽為當務之急。