絲絲講場：三角朱古力搬廠「唔夠瑞士」要換包裝

皆因瑞士政府喺2017年已推出法例，以牛奶為主要成分嘅產品需要全部喺瑞士生產，先至可以標示瑞士製；其他生鮮食品門檻亦至少80%瑞士製造。依家達唔到要求，連帶三角朱古力包裝上面個馬特洪峰（Matterhorn）圖像亦都唔畀用，因為佢係瑞士嘅象徵，大概等於獅子山代表香港咁啦。

公司話，山峰圖像會保留，但會用一啲通用嘅樣，唔會踩界；又會喺檔案室搵靈感，去推出全新嘅包裝，包括用新字體、新標誌，加上創始人Tolber嘅簽名。呢隻好甜嘅朱古力，喺1906年於瑞士主要城市伯爾尼首次面世，但馬特洪峰嘅Logo，要到1970年先至採用，之前都係用熊同鷹圖案。唔知有無讀者記得個舊樣呢？絲絲咁後生，一定未見過啦。