絲絲講場：新加坡自小培養人才 4至12歲獲580蚊學嘢

星洲文化、社區及青年部長唐振輝好窩心咁話啦：「我哋睇到終身學習嘅價值，無論係運動習慣或積極參與嘅精神，我哋都希望從小就培養」。只要符合上述資格，擁有類似康體通App嘅ActiveSG會籍，就可以攞到呢100蚊坡紙積分。12歲嘅小朋友可以獨立申請會籍，4至11歲嘅就要家長或監護人幫手。第一次開通會籍嘅小朋友，仲可以攞埋個100蚊迎新禮遇，即係總共200蚊坡紙嘅積分，非常貼心。

新加坡對鼓勵國民生小朋友，培育下一代真係不遺餘力。好似今年2月當地公布財政預算案咁，只要自今年2月14日起出世嘅新加坡籍孩童，可以獲得額外3,000坡元（約1.75萬港元）嘅嬰兒花紅現金獎勵。並且自BB兩歲起，家長每年可領400坡元（約2,367港元），直至6歲半為止。重賞之下，你生唔生？香港真係要好好借鏡啦。