絲絲講場：CFA協會推新證書課程

想喺金融業發展嘅年輕才俊，都應該有聽聞，分3個等級考試嘅金融投資專業資格──特許金融分析師（CFA）係有幾難考，且報考費唔平，唔少人都中途敗北打退堂鼓。當然，若成功合格，唔難喺大型金融機構搵份好工！

絲絲聽聞，自疫情以來投考CFA嘅人數同成功率都明顯回落。唔知係咪要開闢新客源，CFA協會最新公布，推出新版本嘅「CFA協會投資基礎證書」證書級線上課程，內容針對與投資團隊一齊工作嘅非投資專業人員。

啱非專業人員收費平七成

課程有6大主題，包括行業概覽和結構、市場類型與運作、投資工具、投資輸入因素與分析工具、為客戶需求服務、為社會利益服務，涵蓋投資基礎概念等，讓考生明確了解全球投資行業嘅運作方式，吸引未必需要高規格投資專業認證嘅金融業界相關人士參與喎。

同CFA每級考試約需300小時準備時間唔同，新版嘅投資基礎證書僅須通過60至90小時嘅線上學習，課程收費350美元，較CFA現時每級考試嘅正價收費1,200美元平七成，但考生仍須通過評核才能獲得基礎證書。實唔實用，真係見仁見智！

余絲韻

爆料熱線：

(852) 3600 3600

傳真：

(852) 3600 8800

SMS：

(852) 6500 6500

電郵：

網上爆料：

MMS：