絲絲講場：內地養豬場搬上26層大樓

據報，該幢26層嘅大樓嘅經營者原本係水泥生產商，後來改為經營養豬業。該大樓喺舊年10月投產，來自廣東近3,700頭首批母豬進駐，尚有另一幢預計喺今年內投產；兩幢養豬大樓佔地面積約50畝，建築面積達80萬方米，估計每年可出欄120萬頭活豬，生產豬肉10萬噸以上。

唔好以為呢兩幢大樓好簡陋，佢係採用自動化管理，工作人員喺監控室透過閉路電視看管豬隻，每層都好似獨立嘅農場，依豬隻嘅唔同階段分成多個區，飼料會透過輸送帶送到大樓頂端嘅貯槽，根據豬嘅生長階段、體重和健康需求，自動分配畀豬隻等。

內地嘅豬肉消費佔全球總量一半，但養豬業工業化程度有待提升，國策支持下已有數十個大型工業化養豬場出現。不過，豬始終係生物，會有疾病和污染等問題，呢類高層大型養豬場運作係咪合適？請恕絲絲只係識食豬肉，留番畀豬農答啦！