絲絲講場：日男一舔 壽司郎市值蒸發10億

咁都唔止，更誇張嘅係，呢位男生用口水塗抹喺迴轉軌道上嘅壽司，仲將整個過程錄影放上網絡「公映」！咁離譜，當然立即引發網民留言撻伐，唔少更聲言唔敢再食迴轉壽司，搞到壽司郎喺日本上市嘅母企股價即時急挫，單日市值曾蒸發168億日圓（約10億港元），公司同小股東都遭遇無妄之災！

唔少港人愛遊日，又鍾意去食迴轉壽司，貪佢又平又新鮮，但睇完呢條咁惡心嘅片，咩胃口都冇晒。雖然公司立即發聲明，強調已進行消毒，並將採取刑事、民事途徑追責，但相信食客都要一段時間先忘記嗰惡心一幕。睇怕公司仲要諗諗辦法，例如畀客戶可選用獨立包裝調味料、減少公用器皿等方式作過渡期，當然最重要嘅係有關方面對呢啲不道德行為予以合理懲罰，免得更多無聊人有樣學樣，對商家同消費者都係災難！