昔日東方絲絲講場：Banker慳錢響應國策
外界印象中，投資銀行嘅「Banker」（銀行家）薪高糧準福利好，生活充滿品味，平時做嘢出Trip（出差）可以豪使公司旅費，坐飛機商務或頭等位，順道周遊列國，食好嘢，都唔知幾爽！不過，絲絲最近得悉內地龍頭券商中金公司一份內部文件話，為咗配合國家「共同富裕」政策，高級Banker因公事不論坐火車定飛機，都只可以買最平座位等一大堆限制。所以話，呢個世界開始變得不一樣喇，最緊要係洞悉「國策」呀！
中金減少旅行津貼
喺「共同富裕」大方向下，內地致力遏止私營機構「資本無序擴張」。文件顯示，中金已減少Banker嘅旅行津貼，並正起草計劃縮窄初級和高級Banker間嘅薪酬差距。中金董事同執行董事出Trip搭長途火車時，建議選擇最平嘅「硬座」，或者揀高級少少嘅「軟座」或「硬臥」，搭飛機亦唔可以買商務艙。
咁平時做嘢要去高級飯局呢？據報中金份文件話，Banker唔可以用公務為由，利用公司車出入高級場所，以及包括卡拉OK和風景名勝等娛樂場所，強調將以更嚴格嘅監管以防止潛在濫用。總之，就係摒棄過去「豪使」、「豪玩」嘅「金融人」形象，做個「慳儉清廉」嘅Banker！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
