絲絲講場：數字人幣有得試中銀推優先體驗

內地試驗「數字人民幣」（e-CNY）已有一段時間，最近終於輪到香港。中銀香港(02388)尋日公布，與中國銀行(03988)合作喺本港率先推出「數字人民幣」優先體驗活動。合資格客戶於期內喺BoC Pay成功登記後，可以喺數字人民幣（試點版）應用程式（App）憑香港手機號碼開立，並使用中國銀行個人數字人民幣錢包，絲絲同各位讀者一樣，都心思思想知多啲，睇吓有冇咩着數！

用戶可獲100元消費紅包

原來，凡成功參與今次中銀香港優先體驗活動嘅客戶，可獲得總值100元數字人民幣消費紅包，喺內地支援數字人民幣付款嘅線下商戶、京東購物商城（JD.COM）以及香港部分U購select指定門店使用，活動登記期由今日至本月29日。

中銀香港話，今次優先體驗活動得以有效驗證前期數字人民幣喺香港取得嘅階段性技術成果，而該行可為本地商戶提供港元清算服務，方便商戶接受數字人民幣作為付款方式，為日後內地人士喺香港使用數字人民幣消費進行模擬驗證，同時亦支持本地客戶喺內地指定電商平台使用數字人民幣進行支付，為網購客群提供多元化嘅支付體驗。

余絲韻

「東網Money18」fb專頁：有討論、有分析，齊來FUN享，贏盡●你Like

Money18更多即時港股指數資訊