絲絲講場：港交所首辦社商峰會

唔講唔知，港交所自2020年成立香港交易所慈善基金，一直透過撥款喺不同社區項目及慈善機構，支援香港及以外地區需要幫助嘅群體。截至今年11月底，共籌得超過3億元善款，並支持超過60個項目，本港受惠人士至少43萬名。港交所出錢、出心、出力，ESG（環境、社會及管治）仲唔拎100分？

另外，港交所行政總裁歐冠昇話，內地有大量未開發資金搵緊投資渠道。隨住內地經濟增長，預期家庭財富將逐步轉移至資本市場，相信在岸資本市場未來10年內有望增長至過百萬億美元，粵港澳大灣區對環球3大趨勢有舉足輕重嘅作用，包括中國與海外資本雙向流動嘅增長、創新發展同新經濟生態圈嘅成長、環球可持續發展議題。