昔日東方絲絲講場：日企Omron推行3天工作制
今年夏天有本地大企業推行4天工作制，原本以為已經好爽，估唔到專出產「社畜」嘅日本居然有3天工作制，有冇咁筍呀？
畀員工進修重塑技能
講緊嘅係日本電子公司歐姆龍（Omron），由明年3月起引入每周3天工作制，同埋短時上班制畀同事選擇，只適用於日本國內大約4,600名員工。睇真啲，呢啲新制度，目的係畀員工喺公餘時間去專業學校或商學院等進修，講明係畀人有重塑技能嘅機會。
新制度有3種選擇，短時上班制每日最多可返少兩個鐘，以15分鐘為一個單位；又或者可以選擇每星期返3日或4日工。但事前就要同上司面談申請，審批條件係包括職涯規劃，甚至學咗新嘢返嚟，可以調去第二個部門。
新制度最多可以用兩年，無硬性要求員工日後要出示畢業證書等證明，不過要留意，唔返工嘅期間係無薪水，但好處係可以去讀書囉，適合終生學習型嘅員工。對公司而言，可以喺內部培養到更專業人才。員工開心，公司得益，一舉兩得。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
