絲絲講場：任澤平轟Apple新機食老本

中國恒大(03333)前首席經濟學家兼恒大經濟研究院前院長任澤平更勸告，若一家企業淪落至靠壟斷、政府保護，還受益於中國高科技企業被不公正待遇、被打壓，「果粉該醒醒了」！佢仲話iPhone 14可能係Apple帝國「盛極而衰」嘅標誌。

今年初因主張人民銀行印兩萬億人民幣獎勵民眾生育，而曾遭內地多個社交平台禁言嘅任澤平，仲順手讚吓華為，當年華為高端旗艦手機性能比Apple「甩好幾條街」嘅時候，美國利用霸權手段遏制華為崛起，否則Apple必然喺全球節節敗退咁話喎。

呢個講法就同華為常務董事余承東不謀而合，佢公開咁批評「好多中國手機品牌都係抄襲華為」，但都無畀專利費。余又指，從低端製造到高技術含量，中國各個領域都發展緊。但中國企業最唔擅長可能就係設計，「部分中國企業都抄襲緊我哋（華為）設計，有啲甚至直接抄。」

嗱，任澤平今年雖然因為中國證券業協會下發通知要求金融機構應審慎聘任首席經濟學家，而同東吳證券脫離一年賓主關係，但係佢有一句講得啱，就係希望國產品牌加大研發，推出真正有創新、高品質嘅產品。