絲絲講場：侵侵明剃Tesla眼眉

嗱，喺香港揸電動車就易搞，因為行程唔算長，充電位分布愈來愈多。美國就唔同，下下都穿州過省，長途車中間冇電跪低真係喊都冇用。

不過，侵侵鬧還鬧，自從俄烏打仗後，依家能源價格貴到離譜，而侵侵又咁啱去到賓夕凡尼亞州嘅煤礦小鎮發表演講，「得把口」支持吓本土傳統能源都無可厚非嘅。但係外媒計過條數，如果將電動汽車與同一類型嘅傳統燃料車比較格價，即使未計養車成本之前，價格其實都差唔遠。

而美國國會參議院早前通過《降低通脹法案》（Inflation Reduction Act），將提交眾議院審議。納稅人購買北美地區生產嘅電動車，可獲稅務寬免，買新車金額最高係7,500美元，購買二手電動車都有最多4,000美元嘅補助。法案待眾議院通過後，由總統拜登簽署後才生效。有調查指，美國每賣出3架電動車，就有兩架係Tesla，所以Tesla相信係《降低通脹法案》補貼的最大受益者。