昔日東方絲絲講場：茅台月餅無茅台 賣晒兼炒貴逾倍
貴洲茅台係中國著名白酒品牌，有「國酒」之譽。隨着中秋佳節將至，位於貴州茅台鎮嘅茅台國際大酒店就搞搞新意思，推出兩款月餅禮盒，雖然月餅不含「茅台」成分，但10萬盒月餅好快賣清光，更被網絡平台炒貴逾倍，600至700元人仔一盒都有價有市，跟現時內地雷厲打擊貴價月餅嘅行動似乎背道而馳。
據了解，今次由茅台國際大酒店推出嘅月餅禮盒，分別為每盒8粒賣188元人仔嘅「玉虎迎月禮盒」，以及每盒8粒賣318元人仔嘅「流心月餅禮盒」。
或者酒店知道中秋係老少咸宜嘅大節日，所以月餅全部走「茅台、酒精」，卻依然賣到「滿堂紅」兼喪炒。其中，單個「流心月餅」炒價更飆至80元人仔，計落仲貴過喺cafe食件蛋糕！
委託廣東日美食品生產
有內地網民仲發現，月餅僅委託廣東日美食品、非由茅台直接生產，似乎係想趁勢延續茅台冰淇淋熱潮。
茅台國際大酒店就發表聲明，回應網絡平台將月餅炒出「天價」一事，指「堅決抵制這類行為，請廣大消費者理性消費。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
