絲絲講場：印度大亨身家超蓋茨 擁8782億膺第4大富豪

睇番阿達尼嘅發達之路，1981年大學二年級退學轉去做生意，同佢哥哥喺自己出生嘅城市艾哈邁達巴德（Ahmedabad）搞塑膠出入口貿易。1991年乘住當地經濟開放，生意愈做愈大，範疇包括金屬、紡織、農產品、煤炭等貿易，仲做埋港口開發，逐漸建立自己嘅業務帝國。

今時今日阿達尼同名集團Adani Group，業務涉及綠色能源、機場、數據中心媒體等領域，可以話係食正印度總理莫迪嘅國家建設議程。今年阿達尼嘅財富增加360億美元（約2,808億港元），增長之快已超越榜上任何一位富豪；喺今年2月超越咗同鄉、原印度兼亞洲首富安巴尼（Mukesh Ambani），再加上蓋茨近排公布捐身家做慈善，此消彼長下，全球5大富豪榜就多咗呢位亞洲首富嘅新面孔囉！