昔日東方絲絲講場：馬斯克自爆將大腦上載雲端
上兩個禮拜，絲絲講過世界首富、特斯拉（Tesla）創始人馬斯克同女下屬生咗一對雙胞胎嘅，女下屬來自腦神經研究公司Neuralink。呢間「腦公司」除咗出「雙胞胎」之外，最新又有「新產品」，就係馬斯克話已經將自己個腦上載到雲端，更加有同虛擬嘅自己傾偈添。好彩佢係全球首富馬斯克，否則真係以為佢係黐線佬！
正研發「腦機對接」
事緣較早時，狗狗幣聯合創始人Billy Markus（網名： Shibetoshi Nakamoto）喺社交平台Twitter問馬斯克，「如果你能夠將自己個腦上載至雲端，並同虛擬嘅自己交談，你同自己個腦會做到朋友嗎？」馬斯克竟然回應：我做咗啦！
Billy又問，Twitter上嘅你、虛擬嘅你同真實嘅你有分別嗎？可能太夜，馬斯克就冇回應。不過就引嚟大班花生友，問可唔可以下載你個腦落嚟用吓？可唔可以copy and paste（複製貼上）繁殖你個腦？（冇問錯人，繁殖的確係馬斯克強項。）
查實呢個計劃舊年已喺豬身上做過「豬腦對接」實驗，原意係為咗幫助患有神經疾病嘅人用思維控制手機或電腦。
講番間公司，Neuralink據報正開發「腦機對接」（Brain-computer Interface），將允許電腦將人腦思想轉化成行動，即是人類僅通過思考就能執行如打字同按鍵等操作，即係絲絲個腦諗到點寫篇稿，部電腦已經幫我打好晒啲字，唔使郁手。聽落係咪幾爽呢？分分鐘大家攤喺度就可以做嘢、打機，唔使打字打到五十肩！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
