昔日東方絲絲講場：疫下城市搵食艱難 南韓年輕人返鄉耕田
以前有北京大學畢業嘅「北大豬肉佬」，依家就有愈來愈多人讀飽書都去做啲傳統唔係咁討好嘅工作。呢個現象喺南韓出現咗兩年喇，就係後生仔重返農村耕田。
去年務農人數創新高
韓媒報道，南韓統計廳、農林畜產食品部、海洋水產部統計資料顯示，去年當地返農人口約51.5萬人，創歷史新高，較2020年增加4.2%。
據稱，當地年輕人掀起呢一波返鄉浪潮，舊年30多歲或以下年輕人做農民人數佔總數45.8%，究其原因，乃新冠肺炎疫情長期化，導致城市就業難，加上樓價暴漲、租金又貴，更多年輕人只有選擇離開城市，返鄉務農維生。
南韓農村經濟研究院（KREI）最近發表嘅「城市居民返歸務農意願調查」結果顯示，疫情爆發前嘅2019年底，有34.6%城市居民有呢個想法，到2020年底，數字就增長到41.4%。
同時，愈係年輕嘅一代，回歸農村嘅傾向就愈強。20幾歲或以下（39.1%）以及30幾歲嘅人（34.8%），講明務農嘅第一大理由係為兩餐（哈，唔通為興趣咩？）唔只係農村，回歸漁村嘅城市人都有所增加。去年當地回歸漁村嘅有1,216人，比起2020年增長25.7%。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
