絲絲講場：「牛牛巴士」周五任搭

點大手筆法呢？話說富途免費巴士每日至少10班車，每月巴士路線都有唔同，但一定會走勻全港，港島人、九龍友同新界人都會受惠。今個月係港島月，路線係城巴788號線，港澳碼頭往返小西灣，頭班車由港澳碼頭開出，出發時間為今朝7點05分，途經港島大部分商業地區，包括灣仔同中環等。7月開始就由城巴來往灣仔及荃灣的西隧過海路線930號線接棒。之後免費路線會係邊條？遲下富途會喺官方社交平台公布答案。

如果想搭免費巴士，就要認住隻「牛牛」，事關巴士車身亦會印有富途牛牛嘜頭，仲着住西裝、手拎公事包，似足打工仔，希望可以「撐住」一眾打工仔！巴士車身當然係「富途藍」，連內裏都有玄機，樓梯通道同扶手等，全部都係用富途牛牛做主題，務求全方位都見到牛。

家陣睇住個市一日上一日落「Chok」到暈，絲絲都希望可以望多兩眼，等個倉沾番啲「牛氣」！