昔日東方絲絲講場：券商傳蝕百億掀全城猜謎
由周二晚開始，網上傳出中資券商「X銀國際」因「投資中資美元債而損手100億元」的消息，咁都可以輸成百億，查實都幾「本事」。因為行文用簡體字，而文中有提到「成個中環金融圈都估緊係邊間券商咁慘」，估計爆料人士應該係喺香港工作嘅內地人。因為爆料人士講啲又唔講啲，搞到全行都玩緊「猜猜我是誰」遊戲。
爆料訊息有提到，帶有「X銀國際」、「之前在債市頗為活躍」等字眼，引發內地網民猜啞謎，最初可能性太多而「誤傷」瑞銀國際，不過瑞銀國際好快出嚟闢謠。後來有指真身係一家中資券商，涉及嘅債券幣種係人民幣而非美元，一大矛頭又指向「中銀證券」。
中銀證券闢謠消除疑慮
不過，中銀證券並冇境外業務，所以並唔存在所謂嘅以美元為幣種嘅債券投資虧損。另一方面，中銀證券公司簡稱係「中銀證券」唔係「中銀國際」。中銀證券回應指，「公司無境外業務，目前經營情況和管理一切正常。」接下來，工銀國際、農銀國際、交銀國際、信銀國際等集體「躺着都中槍」，總之亂估一通。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
