絲絲講場：百勝女舵手堪稱打工女王

所謂50歲的「知命之年」係古時用嚟形容男性，意指經歷差唔多大半生，大概知道自己命運咁解。睇番依家，事業成就早就不分男女，屈翠容似乎唔止知道自己人生定位，公司就讚揚佢在前所未見的疫情下，帶領公司渡過難關，包括去年實現10%的系統銷售增長，疫下有利推動外賣交易，期內更破紀錄開設1,806家多樣化模式的新門店。

唔止咁，屈氏仲睇到內地推行低碳環保大趨勢，去年實行淘汰一次性塑膠餐具，逐步推行將不可降解膠袋替換為紙袋或可生物降解膠袋，又組建一個外部顧問團隊，制訂長期溫室氣體排放戰略，成績咁彪炳。所以連同基本人工、各項激勵等獎金合計，屈氏去年經調整總人工高達1,399.36萬美元（約1.09億港元），相當於平均月薪約909.58萬港元。

對比香港統計處公布的最新人工數據，去年5至6月香港就業人士嘅每月工資中位數只係按年多1.6%，至1.87萬元，絲絲真係為香港打工仔叫苦。不過，屈翠容其實都有共度時艱，因佢總人工按年跌逾三成，看來大部分打工仔最後都殊途同歸。