絲絲講場：京東CEO劉強東「畢業」

劉強東將繼續擔任董事會主席，致力公司嘅長期戰略設計、重大戰略決策部署，同埋年輕領軍人才培養和鄉村振興事業。睇番2018年初，時年44歲嘅強東喺達沃斯論壇上談及退休計劃時公開話「相信65歲前應不會（退休）」。估唔到事隔4年就退下火線。

不過，亦唔排除係徐雷太勁，想早啲將公司交畀佢打骰嘅。徐雷本身做市場同網絡營銷出身，2008年加盟京東，擔任過京東商城市場營銷部負責人、京東商城營銷平台體系負責人、京東商城輪值CEO、京東零售集團CEO等重要職務，京東喺成立紀念日搞嘅促銷活動「京東618」就係佢嘅傑作（改變以前成個6月都促銷嘅做法，要消費者記實「618」），近年分析員會議主要都係聽佢嘅京腔。

70後嘅徐雷唔似得一般企業高層咁「官仔骨骨」，出咗名係潮人，又紋身又玩Band（樂隊），不過連劉強東都讚佢係「京東最有戰鬥力的那個人」，即係「好打得」呀，更喜歡佢強調規矩紀律，所以兩人私交亦都唔錯，不時把酒言歡。