絲絲講場：港人想旅行 倫敦熱搜No.1

按Expedia香港網站嘅搜尋量升幅計算，最受歡迎嘅5大海外目的地首位係倫敦，佢嘅搜尋量增加1.3倍，其次係曼谷（增1.2倍）、溫哥華（增1.05倍）、多倫多（增80%）同東京（增75%）。而來港航班嘅搜尋量都激增2.85倍，當中超過25%搜尋量都嚟來自英國。其餘包括美國（15%）、加拿大（10%）、澳洲（10%）同菲律賓（5%）。

港人亦開始考慮7天或以下行程，港外遊旅客傾向揀免檢疫或檢疫安排較簡單嘅目的地，喺宣布新檢疫安排前，大多旅客傾向考慮一個星期以上，甚至長達一個月嘅旅程。

另外，內地嘅旅遊平台攜程集團(09961)公布去年全年業績，虧損5.5億元（人民幣‧下同），較2020年蝕32.47億元大幅收窄；每股虧損0.87元。以非公認會計準則（non-GAAP），去年錄得經調整盈利13.56億元。

集團指出，去年第四季度內地部分地區經歷幾次疫情反覆，抑制用戶對公司產品嘅需求，經營受到重大不利影響，導致第四季淨營業收入跌至約47億元，按年降6%，而全年計淨營業收入為200.23億元，按年升約9%。該企又指，短途旅行持續為內地業務恢復提供關鍵助力，商旅管理業務營業收入則按年增54%。