昔日東方絲絲講場：星展派福袋望虎年不苦
仲有唔夠一個星期就踏入壬寅虎年，星展銀行同慈善團體膳心連（Foodlink Foundation）、苗圃行動同香港聖公會安老院舍外展專業服務試驗計劃（九龍東）合作，搞咗個「星展Care more福袋展關懷」行動，喺全港多個地區派發超過3,000個福袋，希望基層市民新一年唔再「苦」，仲要充滿祝福快樂添！
疫下關懷弱勢社群
第5波新冠肺炎疫情未止，基層市民惶惶不可終日。星展義工隊嘅同事，就落手落腳參與包裝同派送，親自將福袋送到安老院舍及社區服務中心，送畀長者、低收入家庭及有需要人士。今鋪真係出錢又出力，係愛啊！
星展銀行（香港）執行董事兼集團推廣策略與傳訊部總監胡秀汶表示，疫情肆虐期間關懷弱勢社群，除咗希望同社區有需要人士分享農曆新年嘅喜樂，更希望為社會發放更多正能量。
福袋內有米、麵食、賀年食品同飲品等，睇落雖然好似冇乜特別咁，但對基層市民嚟講，可能係最貼合佢哋嘅需要。絲絲都希望大家可以趁住節日，多啲關心身邊嘅人、鄰舍，發揮互助互愛精神，人人齊齊開心過節，咁就最開心啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
