絲絲講場：瑞銀員工坐「疫監」獲4.2萬資助

邊間投行咁好？咪就係瑞銀囉！瑞銀向員工發內部信，話過去兩年受疫情影響，好多員工都無法同身處海外嘅親朋團聚，亦明白港府加長「疫監」日數、檢疫酒店供應短缺等，令高昂嘅隔離費用變成龐大嘅經濟負擔，為咗支持員工，會向駐港全職員工派發有關福利，連員工喺香港境外嘅直系親屬都可以受惠。不過，執行董事級別以上嘅員工就無份喇！

有關計劃將至明年11月30日，若21日隔離要求放寬，將提早結束。瑞銀喺信尾仲鼓勵員工假期要抽時間放鬆，如果有旅行計劃，就要留意疫情發展同相關資訊。絲絲仲八到，呢封內部信一出，唔少員工都好開心，連隔籬投行嘅員工都表示羨慕。