絲絲講場：高盛增福利留住資深員工

呢一年美股升勢不停，新股首次公開招股（IPO）又多，華爾街大行生意可謂唔憂做。之但係，喺全球經濟復甦嘅同時，大行反而要同其他行業爭人才。大家都出盡法寶，包括加人工、縮短工時、加花紅、禁止OT（超時工作）等，聽聞今次高盛仲向員工屋企人嘅「白事」埋手。

點解咁講呢？最近，美國媒體收到高盛集團一封內部信件，原來佢將會推出幾項新員工福利，包括延長員工請喪假嘅時間，仲提供帶薪流產假，無錯，唔係產假，係流產假。實行關心埋員工最傷心嘅日子，都幾體貼。

高盛仲會提高美國員工可以提撥嘅退休金比例，達到總薪酬的6%，而年薪12.5萬美元以下員工則為8%，仲順手取消埋提撥退休金嘅一年等待期。

做滿15年可放6周無薪假

此外，該公司計劃為長期僱員引入無薪長期休假，並為在該行工作至少15年嘅員工提供為期6星期無薪休假，任期更長的員工則有資格獲得更長無薪休假時間。高盛預計，符合條件嘅員工約4,000名，佔員工總數的10%。

明眼人一睇，就知呢啲福利係愈做得耐嘅員工就愈着數，目的當然係想留住資深員工。咪住先，如果我係新仔，入到去高盛先發現原來有一成同事，可以隨時放無薪長假，咁佢哋Workload（工作量）點搞呢，到時都真係幾頭痕喎！

余絲韻

爆料熱線：

(852) 3600 3600

傳真：

(852) 3600 8800

SMS：

(852) 6500 6500

電郵：

網上爆料：

MMS：