絲絲講場：聯通公司秘書「升呢」中巴CEO

王總先後喺1999年、2004年同2015年加入中國移動(00941)、中國電信(00728)同聯通，次次都係擔任董事長同CEO，一個人做齊某個行業幾間骨幹央企嘅第一把交椅，除咗王總外都搵唔到第二個。

而王總每次見投資者同傳媒時，身邊總會有位識講廣東話、笑容可掬嘅Gentleman（紳士）幫手，佢就係Jacky啦。其實佢1997年已加入當時叫「中國電信（香港）」（現稱中國移動）協助搞上市，之後王總每逢調職，Jacky幾個月內都會跟住王總跳槽做公司秘書，所以Jacky都成為做齊某個行業幾間骨幹央企上市公司董事會秘書嘅香港人。

其實Jacky曾經喺1988至1995年做過中巴嘅總會計師。佢同絲絲講，王總除咗祝福佢「升呢」順利之外，有困難都可以搵佢商量，真係難得！