絲絲講場：騰訊遊戲商阿頭怒斥Google亂抽水

添叔大鬧Apple將數以十億計嘅用戶鎖死一個應用程式（App）商店，並且只能用一種支付系統，無視南韓解放互聯網平台嘅法律不特止，更引用外國欺壓人嘅法律去監察用戶，剝奪用戶權益，「一定要制止佢」，同時怒插Google從一啲唔係佢處理嘅支付交易之中抽水係「黐線」。

Epic Games同Apple、Google之間嘅牙齒印幾深吓，事緣《堡壘之夜》內置「課金」系統遭佢哋下架。9月美國法院下令Apple更改政策，容許App開發商引導消費者用第三方支付系統。Apple一直強調自己App商店收錢幫到開發商接觸全球用戶之餘，亦會維護用家嘅安全。