昔日東方絲絲講場：富邦望中小企客戶翻倍
尋日一定係開舖嘅「黃道吉日」，絲絲淨係食燒肉已食到口都軟。富邦銀行（香港）荃灣分行「中小企銀行服務中心」亦都喺尋日開幕，行政總裁兼董事總經理鍾國強表示，中小企客戶已有近萬名，預計明年中小企客戶數「翻一番」，貸款增長為整體貸款增長貢獻3個百分點，又期望與客戶拉近距離，提供更適切嘅服務。
鍾Sir就話，零售銀行及中小企業服務有協同效應，未來在九龍，特別在旺角、太子一帶，以及九龍東都會開設中小企服務中心。
擬下月申跨境理財通
業務方面，富邦冀增加零售、飲食、服務業貸款份額，同時希望喺環保相關行業，如新能源行業上吸收新客。數碼化亦是富邦一大發展方向，但鍾Sir都強調，虛擬銀行唔可以完全取代銀行服務，需要將實體銀行結合數碼化先可以全方位服務客人咁話。
中小企業往往面對信貸取用上嘅困難，該行最新利用科技及大數據釐定客戶嘅信貸額度，加快審批過程去到兩至3日。呢個計劃7月推出之後，信用卡商戶嘅貸款增加1.5倍，增長可觀。
另外，該行正籌備提供跨境理財通服務，系統開發已進入最後直路，有信心11月向金管局遞交申請，以南北雙向通為目標。未來發展方面，富邦計劃申請在大灣區落戶開設首間分行，打算選址深圳，之後會視乎情況再增加分布點。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
