昔日東方絲絲講場：美團幫外賣仔進修「升呢」
「外賣仔」（內地又稱騎手）可謂外賣平台的支柱之一，但唔少人都只當係過渡性質嘅工作。美團(03690)為擴大「外賣仔」嘅職業發展空間，旗下外賣仔生態建設方案「同舟計劃」有多項升級措施，仲供到佢哋讀大學添！
可以免費讀大學
美團將與內地嘅國家開放大學合作，為想讀書嘅「外賣仔」提供全額獎學金。現時已報名並通過選拔，共有101名獲得全額獎學金，仲喺國家開放大學物流管理專業上緊堂！同時預告「加碼」，繼續提供更多學習機會。
另外，公司亦推出集合多種培訓資源的網上學習平台，為「外賣仔」提供多種培訓內容。除咗配送技能，仲有創業開店、經營技巧和門店推廣等，一共110個唔同範圍嘅知識同技能課程。就算「外賣仔」遲吓想轉行，都周身刀張張利吖嘛！
至於打工仔最關心嘅晉升方面，美團就開放咗「站長培養計劃」，預計每年將有近千名「外賣仔」可以升職做站長等管理崗位。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
