絲絲講場：恒生前一姐病逝

熱愛網球同跑步嘅Louisa，喺1999年加入滙豐銀行，由信用卡產品發展高級經理做起，先後升任滙豐香港個人理財服務主管、亞太區零售銀行及財富管理業務主管等職位，其後派駐倫敦，到2017年「空降」恒生接掌副董事長兼行政總裁，年僅53歲就成為恒生歷來第三位「女舵手」。

去年7月恒生發公告指，鄭慧敏因健康情況正接受治療，到今年8月時再宣布，鄭慧敏將辭任恒生執行董事、副董事長兼行政總裁。

兩家銀行均發文悼念，恒生形容，Louisa具遠見及充滿活力，並相當關懷員工，深受銀行同事愛戴，並且推動銀行在數碼發展方面取得領先地位。恒生董事長利蘊蓮表示，對她為銀行業作出重大努力和貢獻表示敬意。滙豐行政總裁祈耀年亦表示深切哀悼，稱Louisa係新一代女性銀行家嘅典範，更加係佢認識嘅同事入面，最有幹勁及堅強意志嘅人之一。

絲絲謹此希望佢能夠安息，亦希望佢家人朋友節哀。