絲絲講場：最具影響力女性榜 史美倫升級

港交所自2019年中起，要求新上市公司披露董事會成員多元化政策，不過女性喺董事會佔比只由12.4%，微升0.3個百分點至去年的12.7%。成個排名榜入面，都得兩位香港女強人榜上有名咋！另一位就喺新加坡銀行業首位女大班黃碧娟，排41位，緊隨住港交所女掌門。心水清嘅讀者就記得，未過檔之前，黃碧娟喺滙豐銀行做大中華區行政總裁。

為咗推動企業多元化，港交所今年4月就提升企業管治進行諮詢，其中一環係要求董事會多元化，並已經喺6月結束，雖然仲未公布總結，但相信都無懸念地通過。絲絲就希望，新政策可以一改「全男班」或少女性參與嘅做法，嚟緊會有更多「港女」上榜啦！