絲絲講場：《魷魚》熱爆 Netflix反惹官非

隨住串流影音興起，加上近期Netflix多部影集作品喺全球熱播後，SK寬頻指，Netflix流量達每秒12億位元，流量從2018年5月至今飆升咗24倍，估計淨係2020年，Netflix需要支付嘅網絡費用約272億韓圜（約1.79億港元），兼向其追討相關維護成本。

對於今次SK寬頻提出嘅控訴，Netflix好聲好氣話會審查並尋求協商，嘗試解決雙方嘅合作方式，以確保用戶唔會受到影響。

不過，Netflix舊年就嬲嬲哋提出訴訟，話網絡傳輸應該係免費，串流平台業者無義務支付流量費用畀電訊業者，加上公司喺當地投資約7,700億韓圜（約50.76億港元），又創造超過1.6萬個工作機會。就算係咁，當時法院都係覺得電訊公司喺建設網絡上有成本費用，Netflix應該合理分擔部分費用。對此，Netflix已經提出上訴，預計新訴訟程序將於12月下旬開始，大家就擔定櫈仔等睇戲吧！