昔日東方絲絲講場：滙豐員工淪「苦主」 今年花紅凍過水？
內房企業債務瀕臨「爆煲」，分分鐘累埋滙豐員工冇花紅？事緣近期內地最大房企的債務危機浮上水面，「苦主」陸續現身，外界關注各間大行手頭上揸住幾多相關債務或資產。
受累中港房產業風險
晨星數據顯示，喺7月嗰時滙豐嘅亞洲高息債券基金都有份「撈底」恒大債券。外媒報道指，滙豐持有恒大2.069億美元嘅債券，再加上滙豐之前有為買咗恒大物業嘅買家提供按揭貸款，而且喺中港兩地嘅房地產行業有更廣泛的風險敞口。不過，滙豐並非唯一一家與恒大有關嘅銀行。
隨着恒大債務危機發酵，滙豐控股(00005)股價由5月以來已下跌21%，進一步削弱分紅能力。滙豐銀行2020年的薪酬報告顯示，投行人員仲有1.84億美元嘅未投資滙控流通股。
最慘嘅係，滙豐銀行嘅銀行家和交易員喺舊年開始已經呻獎金奀，該銀行嘅高層喺2020年獎金已下降11%。因此，外媒早喺3月份就估計，即使係表現出色嘅員工，最後一輪獎金一樣面臨縮水。今次經過恒大一役，份獎金可能又凍過水。
不過，好彩嘅係，滙豐今年上半年將其投資銀行的獎金池增加了3億美元，內部員工就希望其中一大部分係以現金支付。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
