絲絲講場：孫正義獻計 日本「勞動人口」望大增

孫正義指出，日本生產效率低下嘅其中一個原因，就係企業導入高科技技術嘅步伐緩慢，強調機械人係日本經濟復甦嘅關鍵。用常規固定動作程式嘅機械人被稱為「功能機械人」，用AI（人工智能）靈活學習同移動嘅機械人則被視為「智能機械人」。對於工作人口正在減少嘅日本，智能機械人正好解決勞動力不足嘅問題。講到尾，佢擔心日本嘅競爭力同生產力會因勞動人口減少而進一步下降。

佢又認為，一個智能機械人嘅工作量，係人類產量嘅10倍。如果引入一億個智能機械人去日本，即係將日本改造成擁有10億勞動人口嘅國家，唔止係咁，仲可以將人類由枯燥而重複性高嘅工作中解放出來，做啲更具有更多附加值嘅工作。

軟銀今年6月以11億美元將旗下機械人開發公司Boston Dynamics嘅80%股份賣畀南韓現代集團，仲預告會喺2023年結束機械人「Pepper」嘅銷售。孫正義解釋，Boston Dynamics仍係軟銀嘅重要合作夥伴，並透露Pepper即將推出新一代、功能更強大嘅智能機械人咁話。大家且拭目以待！